هل صح ان مراية الحب عاميه..؟؟

في رد ل نفين عليا قالت ان مراية الحب عاميه ففكرتني بمشكلة واحد ع النت كنت قريتها وهو كان وعايز اراء الناس فيها..
الراجل ده بيقول انو حب واحده وطبعا كانو بيتقابلو وهو دايما كان شايفها حلوه ..يعني مقبولة الشكل..وبعدين خطبها وكل ماكان يروح يزورها يلاقيها اخر شياكه وجمال ..وهكذااا...
اتجوزو طبعاا وهو كان مبسوط معاها لانو بيحبها واتجوزو عن حب بيقول كل يوم بيصحى يلاقيها صحيت قبليه ويلاقيهاجميله وشايفها اميره ف عيونو
مره حصل العكس وصحي هو قبليها وهنا كانت القنبله ههههههه
بيقول :

اول مره اصحى قبليها وبعد ما صحيت هي من النوم وجات خارجه من الحمام اتخض منها وقال كده بالجمله
كاني شوفت بعبع
بيقول لقيتها وحشه جداا وشكل تاني خالص مين غير مكياج
اتصدم كانو شايف واحده تانيه...هو بيقول هنا انها خانتو وخبت عنو وشها الحقيقي ووصفها بالخاينه وهو الان محتار يعمل ايه ولانو مسلم بيقول اطلقها ولا اعمل ايه؟؟

لو انت مكانو تعمل ايه وهل هتتغير جواك مشاعرك ليها ؟
وهل الحب هنا هيقل ولا لاء؟؟
وهل بجد مراية الحب عاميه ولا هنا ليها عنين؟؟

سؤال خاص للبنات
البنت دي كانت بتستعمل انهي ماركة من الكريمات حتى قدرت تخدعو اوي كده؟؟

سؤال اخير
يعني ايه بعبع دي؟؟

الانسان العاقل الرزين ما يمشيش ورا مشاعره دايما يمشى ورا عقله افضل بكتير